قضية شباب اجيم

مبروك على صابر السراح وربي يخليه لميمتو انشالله نكملو معه لكن ما يلزمناش ننسو إلي ثمة مظالم أخرى لازم نساندوها منهم قضية شباب اجيم إلي كما تعرفوا متهمين بحرق المركز ودار رئيس المركز ( السيد هذا فاسد وسارق) القضية ما عندها حتى أساس هي مبنية على غريزة الإنتقام من شباب الثورة خذاو 10 أسامي ولفقولهم تهم واعطوهم 10 سنين كل واحد ...المرة إلي فاتت في الجلسة سيبوهم في حالة سراح لكن مازال القضية ما وفاتش ومازال يلزم نساندوهم ونساندو كل القضايا إلي تعملت للإنتقام من شباب الثورة القضية في 11 جوان ونستنى منكم كيف العادة المساندة إلي يحب أكثر تفاصيل نجم نعطيه أكثر ...حاجة مضحكة في ملف القضية انو ثمة محكوم عليه وهو ميت عمرو 3 شهور عام 1979 وسامحوني كان قلقتكم

كمال الجندوبي:الإنتخابات لم تكن مزورة

 بيان كمال الجندوبي 

عديد الصفحات على مواقع التواصل الاجتماعي تتداول ادعاءات باطلة عن "تزوير انتخابات المجلس الوطني التأسيسي" وأنباء مغرضة عن تولي "رؤساء المكاتب الإنتخابية إضافة علامات في البطاقات التي لم تنتخب أحزابا معيّنة ممّا جعل هذه البطاقات ملغاة" وأنّ هذا "التزوير المزعوم" شمل عددا هائلا من البطاقات الملغاة في حدود 500,000 بطاقة، بعض المواقع الأخرى "تنسب هذه الأخبار إلى تصريحات رئيس الهيئة العليا المستقلة للانتخابات".

وعلى سبيل التوضيح وبهدف إنارة الرأي العام، أقدّم التوضيحات التالية بشأن هذه الادعاءات المتداولة:

1. أنفي نفيا قطعيّا أن أكون قدّمت أي تصريح في خصوص هذا "التزوير المزعوم" كما أؤكّد أن المعلومات المتداولة بهذا الشأن مغلوطة ومُجانبة للواقع.

2. أذكّر الجميع أنّ عدد بطاقات التصويت الملغاة في انتخابات المجلس الوطني التأسيسي كانت في حدود 150 ألف بطاقة.

3. كما أذكّر أن مكاتب الاقتراع عملت بحضور ملاحظين وممثّلي القائمات ولم تتم إثارة أيّة مخالفة من هذا القبيل إبّان فرز البطاقات أو بعد التصريح بالنتائج.

4. أن هذه الممارسات الرامية إلى المسّ من مصداقية الانتخابات ومن صحّة نتائجها لا تليق بمجتمع يتوق إلى بناء المؤسسات والمرور من مراحل الظلم والاستبداد إلى زمن الأمن والسلم ودولة القانون والمؤسسات التي تكون فيها السلطة للشعب من خلال تكريس آليات الديمقراطية وضمان أحقيّة الحكم لمن وضع الشعب ثقته فيهم.

5. أن من يقف وراء مثل هذه الإدعاءات والأقاويل والممارسات لا يمكن أن يكونوا إلا أعداء الديمقراطية والمتربصين بها والعازمين على ضرب استقرار البلاد والحكم على التجربة الديمقراطية بالفشل.

وإنّي إذ أدين هذه الممارسات، فإنّي أهيب بأصحاب الضمائر الحيّة ومحبّي هذه البلاد عدم الانسياق وراء مثل هذه الأخبار الزائفة وأحثّهم على العمل على ترسيخ ثقافة الديمقراطية واحترام إرادة الشعب والسعي كلّ من موقعه إلى إدانة كل مظاهر ضرب مؤسسات الدولة وآليات التداول السلمي على السّلطة، وأذكّر أن تطوير المنظومات الديمقراطية لا يمرّ إلا من خلال الحوار الصادق والصريح والبنّاء والمساهمة في إرساء ثقافة الديمقراطية تكرّس حق الاختلاف في الرأي مع ضمان وحدة الهدف: المصلحة العليا للوطن.

10 مارس 2013

محمد كمال الجندوبي 

في عائلتنا سلفي

خالتي عندها مدة ما جاتش طلت علينا في جربة وهي تسكن في العاصمة جات عدت بحذانا يومين ...الحقيقة فرحنا الكل وزدنا فرحنا بخالي إلي جاء من هولندا يطل ... أنا قريب برشة من خالتي ونحبها برشة لكن أنا غالط معها على طول إلي ما نمشيش نطل عليها كل مرة نمشي لتونس . جات تشكيلي من ولدها إلي رجع سلفي علمي وما عادش يسمع كلامها ولا كلام بوه ما عادش يقبل النقاش وكل مرة يلمحلهم إلي إسلامهم مش صحيح ويقوللهم إلي ثمة توانسة مشاو يقراو عقيدة في السعودية عامين وراجعين يعلمو التوانسة الدين الإسلامي الصحيح ...كل ما خالتي تحب تحكي معه وتقولوا اقرا الشيخ الطاهر بن عاشور يقوللها هكا علماني وجماعة الزيتونة والأزهر إسلامهم غالط هذا اش علموه شيوخو ...ولد خالتي هذا عمرو 15 سنة وخالتي خايفة عليه والمستشيخين الوهابيين مكسحين قلبه على والديه ربي يهدي ولد خالتي وربي يهلك إلي كان السبب وسامحوني كان قلقتكم

je suis né pour être optimiste

Je suis né pour être optimiste. J'aime la vie même si elle ne m'aime pas. Je l'adore. Je la vie pleinement. Il y a ceux qui viennent me murmurer que c'est une vie de merde, mais moi je ne les entends pas,on à pas la même vision et les mêmes opinions... Moi je suis bien et heureux quand je proteste, manifeste, aime casser la tête des autres en gardant toujours un sourire débile et infantile. Hé... je suis chômeur les poches vides, même pas un sou et je sais bien que les choses n' iront pas bien financièrement dans les prochains mois, mais je ne suis pas matérialiste. J’ai eu de l argent avant et je suis sans un sou maintenant, rien n' a changé dans ma vie sauf la qualité des cigarettes sinon je suis toujours le même: un révolté et j' estime que je fais des choses bien dans ma vie qui m épanouissent. Je suis né pour protester, faire ce que je veux, être libre et la liberté s’achète cher trop cher pour certaine personnes vendues, mais moi je suis né libre... Je le suis et le resterai. Je suis né pour soutenir et défendre les classes marginalisées, des causes qui me tient à cœur même si elles sont perdues d'avance... Je lutte contre les baleines de mon secteur et même si la victoire est difficile et lointaine, je continuerai car je crois fort que j’ai raison et qu' ils ont tort, que je suis honnête et qu' ils sont corrompus... Ma vie est simple c'est la vie de tout citoyen qui croit à un avenir meilleur. Je suis pas le seul, on est nombreux, mais malheureusement minoritaires mais je crois que notre victoire est proche .On ne nous aime pas mais nous forçons le respect. Ma vie est simple et belle, ma patrie est encore plus belle. Je continuerai à vous casser la tête, à vous demander pardon et je m'excuse et m'excuserai encore, pas parce que j' ai peur de vous , mais car je suis bien élevé.... Mes excuses.

ثورة ألبلوط

 ضهر الي الشباب ما عندو حتى قيمة في البلاد هذي؟ حتى في هيئة الإنتخابات ماناش معنيين بها . الشيبة الخارفة عندها ألحق في كل شي ؛ والشباب ديما مقصي ، وبعد يجي يقولك ثورة شباب، هي صحيح عملوها الشباب ، لكن ركبوا عليها الشيبة الخارفة.في قانون هيئة الإنتخابات ثمة سن دنيا "لحرمان الشباب من حقهم في الترشح "لكن ما ثماش سن قصوى . معناها واحد عمرو 90 سنة غير درج ينجم يترشح ؟؟؟لواش الإنحياز هذا الكل للشيابن ؟؟فهموني راني مسطك.؟؟ الأغلبية في تونس هي شباب وبما انو تم إقصاء الشباب من هيئة الإنتخابات إذاً اللجنة هذي ما عندهاش الشرعية لأنها لا تمثل الأغلبية.وسامحوني كان قلقتكم 

اختلافي مع النهضة

اختلافي مع النهضة مهوش عقائدي بل فكري مشكلتي ماهيش دينية مشكلتي في النظام السياسي والإقتصادي إلي تتبناه النهضة مشكلتي مع برنامجها الرأسمالي المتوحش إلي يعفس الزوالي ويكرم الكرز مشكلتي مع النهضة إلي هي مكملة في الغلط وراكبة راسها ومشكلتي مع النهضة هي إزدواجية خطابها مشكلتي مع النهضة انو نحب نعرف شكون يمول فيها ومنين جاتها الفلوس هذي الكل مشكلتي مع النهضة اسمها إلي هي ما تستحقوش وسامحوني كان قلقتكم

ملاحظة أنا ما نحكيش على التكتل والمؤتمر خاطر نعتبرهم تابعين للنهضة وكان يخرجوا منها تو يموتو 

القوانين سنت لتخرق

إحترام القوانين ثقافة وتربية لكن صعيب اكتسابها و ديمة ثمة حالات شاذة. الغلطة تتحملها الدولة إلي هي ترعى الشأن العام وتسهر على إحترام القوانين ولازم عليها معاقبة كل من لم يحترم القوانين لكن ماهيش غلطة المواطنين خاطر أي واحد منا يفكر في روحو قبل ما يفكر في الأخرين ويعتبر إلي أي غلطة صغيرة أو تحيل ما يضرش لكن بالوقت يستانس وتكبر كرشو وترجع عادة وهذا اش حاصل في تونس لكن كان ثمة فرصة بش نحاولو نغيروا في التصرفات هذي. التونسي بعد الثورة كان عنده قابلية كبيرة للتحسن والتغيير خاصة بعد ما جرب حقو في المواطنة وألإختيار الحر يوم 23 أكتوبر لكن الحكومة إلي جات ما كانتش عندها حتى برنامج و لا الأرادة السياسية للرقي الإجتماعي وتطوير ملكة المواطنة عند التونسي بالعكس كانت سبب بش تزيد في إنحدار التونسي بظهور الفرينة الشوكوتومية وقسم التونسيين إلى فريقين (كافر ضد مسلم) و بشرتنا بثقافة جديدة يحمل ألويتها السلفيين الذي ساهموا في ارهاب التونسيين و حماية النهضة بالتحريض على العنف و لم يطبق عليهم القانون بل طبق عليهم قانون الإرهاب اللاقانوني. نجيو توا إلى رابطة حماية النهضة إلي عبثت كما حبت وحد ما وقفلها .إذا الدولة هنا وفي الحالات هذي وحالة أخرى تعرفوها خرقت القانون وساهمت في بث البلبلة في الحالة هذي وقت إلي تكون الدولة خارقة للقانون ما عادش تنجم تطالب من مواطنيها إحترام القوانين إلي هي خرقتهم وسامحوني كان قلقتكم »

23/03/2013

صالح بن يوسف و الجرذان

أكبر عدو للإخوان هو جمال عبد الناصر وإلى الأن يكرهوه وصالح بن يوسف كان صديق جمال عبد الناصر ومتبني لأفكاره كان حكم بن يوسف تونس راهو رجع العدو الأول للإخوانجية وراهم توا يسبو فيه كما بورقيبة وأكثر لكن هما قاعدين يبيعوا ويشروا في أيقونة تونسية ورمز نضالي ما عندو حتى علاقة بأفكارهم وسياستهم وأكبر دليل هي حكاية التعويضات .اعطوني يوسفي واحد طالب بالتعويضات؟؟؟ هزو يديكم عليه يا جرذان بن يوسف أكبر منكم وما يشبهلكمش وسامحوني كان قلقتكم

كلمتين خفاف

عندي كلمتين خفاف بش نقولهم للجماعة إلي يجيو يناقشوا بالميساجات خاطر خايفين يعملوا كومانتار على الحيط متاعي : أول حاجة الجبن خايب ونكره الجبناء الكل .
تنجم تعاودوا ألف مرة إلي أنا نبار وأنا حياتي ما نكرت الشيء هذا وصحابي يعرفوا مليح إلي أنا نضحك ونسخر من كل الشيء في الدنيا حتى من أكبر المشاكل وهذا إلي مبعد علي الأمراض " الحمد لله" هذا في حياتي الشخصية وفي الخدمة زادة .شخصيتي بسيطة وماهيش مركبة ومعقدة كيف أغلبكم ومزدوجة كيف السواد الأعظم منكم "بالمناسبة إزدواج الشخصية مرض يمكن معالجته خير من إستعماله سياسيا"..... بصراحة ناقص زوز صفات تمتلكوها انتم وتغيب علي أنا بش ننجح في حياتي : النفاق والتلحيس 
النفاق ما نجموش وهذا علاش رباني الوالد ربي يخليه 
والتلحيس خليتهولكم كان لحست شوية راني مرسم في خدمتي مش بطال .ملاحظة هامة: التلحيس موهبة ما عنديش ونحمد ربي على هذا وبراس إلي يعز عليكم نقصو من تكسير البطاطا بالميساجات تاعكم أو نلتجئ إلى تعقيم الحائط تاعي من كل الجراثيم والفيروسات وسامحوني كان قلقتكم

النهضة: الداعم الرسمي للإرهاب

إلي صاير الكل إليوم سببه النهضة ومانيش نتبلى عليها .نبدو من فضيلة الشيخ المفدى راشد الغنوشي" رضي الله"القولة هذي على سخافتها اعطتهم حماية كبيرة ودعم لوجستي أكبر ...الشورو واللوز ناقصين كان بش يعلنوا ولائهم لأبو عياض ...كان من الممكن تجنب إلي صاير اليوم بسهولة لكن النهضة تحب توصل هنا... كان يمكن تجنب هذا ببعض الإجراءت: أول حاجة هي تطبيق القانون على الناس الكل مش تشد السلفيين الشباب برك وامراؤهم المطلوبين ما  تمسهمش مثال أبو عياض إلي كان مطلوب للبحث وما شدو حد ولكن وقت إلي إحتاجولو بش يتفاوضوا معه لقاوه...النفاق مهوش من صفات المسلمين لكن صفة أساسية في الإسلاميين ..الإجراء الثاني هو كان من الأفضل تطبيق القانون على الأئمة إلي خارجين على السيطرة راهو ما وصلناش للي احنا فيه اليوم لكن الخادمي فضل يعطيهم  وقت ليوسعوا مجالهم ويزيدوا من عددهم ويدغمجو أكبر عدد ممكن من السذج ...كان واجب على النيابة العمومية رفع قضايا ضد كل من كفر أو دعا إلى العنف في المساجد أو في خيماتهم "الدعوية" لكن مازلنا نشوفو في هاك المستشيخ الجندوبي كل جمعة في الوطنية وهو القائل بعدم جواز صلاة الجنازة على الشيوعيين ما غير ما ننسى مشروع السلطة التأثير على المساجين بسماحها لمستشيخ وهابي "البشير بن حسن صاحب نظرية الحلزون "و لعلامة عصره  الخضار العليمي بإعطاء دروس دينية للمساجين في بلد سني أشعري ..هذا كله يثبت تورط العصابة الحاكمة في التطرف إلي وصلنالو ودعمها ليه ويثبت زادة إلي هذا ما كانش إعتباطي لكن مخطط له وإن لله وإليه راجعون ويا رب أحمي البلاد من العقول الخامجة وسامحوني كان قلقتكم

والي القيروان

وفي خضم هذه الأحداث يتكفل والي القيروان بتوفير بول البعير للحاضرين في مؤتمر أنصار الشريعة لإستقطاب السياح وقد صرح أن الكميات المخزنة تكفي كل الحضور بل إنه قد وفر كميات زائدة لبيعها للسياح وتوفير بعض العملة الصعبة للجهاد في سوريا بقيادة حبيب اللوز وأكد الوالي بأنه تأكد شخصيا من نوعية البول عبر شربه لنصف لتر وقد إستحسن مذاقه ...ربي يعاونوا على فعل الخير وشرب بول البعير و سامحوني كان قلقتكم

                                 

    

tourisme tunisien???

pour savoir si le tourisme est en bonne santé ou non??? il faut demander ceux qui font le tourisme pas ceux qui croient qui l' hotellerie est le tourisme.l 'hotellerie fait partie de tourisme mais il ne fait pas rentrer d argent e car la grande somme reste chez eux (tour operator) mais ce qui faisait rentrer l argent et augmenter les recettes en tunisie . c'est la vente des excursion, l' artisanat, les restaurant,0 les bars, les centre de loisir,et les centre de thalasso thérapie. moi je suis guide touristique et je confirme que les hôtels sont pleins mais sans aucune activité touristique les client passent tout le séjour a l hôtel sans sortir donc pas de recette pour le tourisme car le client a déjà tout payé et nos hôtels se vendent avec ds prix merdique en formule all inclusive et puis la question qui s impose maintenant que les hôtels sont pleins pourquoi il n'ont pas fait des recrutement malgré tout les avantages et facilité donné par le ministère de tourisme 2011 et 2012.c' est au gouvernement de les obliger de faire travailler les gents maintenant qu il sont plein et qu il commence a payer leur dettes pour les banques leasing et surtout la société et les professionnels de tourisme on en a marre de les voir remplir les poches et nous traiter comme des merdes on en a marre des gouvernement qui se mettent toujours avec eux et écrasent les travailleurs on en a marre de ce système pourri on en a marre de cette politique touristique nullard merdique et corrompu et mes excuses ...............

olecha

" Je ne deviendrai jamais ni beau ni célèbre. Je ne quitterai pas ma petite ville pour monter à la capitale. Je ne serai ni chef de guerre, ni commissaire du peuple, ni savant, ni coureur, ni aventurier. Toute ma vie, j’ai rêvé d’un grand amour exceptionnel. Bientôt, je retournerai dans mon vieil appartement, dans la chambre avec le lit horrible."

التوانسة

غريبة فينا احنا التوانسة واش ننافقو في أرواحنا ونعملو في أفلام زايدة ونموتوا على المؤامرات ... النوعية هذي من التوانسة هي موجودة في المعارضة وفي السلطة على خاطر ماهيش ضاهرة سياسية لكن ضاهرة تونسية هذي الظاهرة التونسية نجمو نلخصوها في كلمة تونسية قحة "تبع الغرزة" إلي إذا كنا نقولوا شوف الغرزة مليح رهو جزء كبير من مشاكلنا .. نعطي مثل مؤتمر بما يسمى أنصار الشريعة إلي يساند فيه يحبو  يقنعوك عن طريق أطروحة حرية التجمع والإجتماع ....نبدى نقرأ في اطروحاتهم وأنا شايخ ضحك وشايخ على الإبداع التونسي التبريري...الاتحا إلي يقدموا فيها لاغية لأنهم يحكوا على قانون يضمن الحريات للمجموعات السلمية مش للمجموعات الإرهابية التي تدين بالولاء لتنظيم القاعدة لتنظيم يجمع في السلاح لتنظيم لا يؤمن بالإختلاف لتنظيم يريد إدخال الفتنة بالبلاد لإصراره على تنظيم مؤتمره الغير المرخص له أيام قليلة بعد أحداث الشعانبي وبعد قتلهم لعون أمن في جبيل الجلود وبعد ما اصروا على عقد خيماتهم الدعوية والدعوة للقضاء على "الطاغوت" . رغم هذا كله ثمة شكون يساند إقامة مؤتمرهم ناقص كان بش يطلب إعطاء رخصة لتنظيم القاعدة للنشاط والتنظم والتدرب في تونس . حاجة أخرى تعجبني في التوانسة هي بالتنديد بالعنف بعد حصوله وعدم التفكير في طرق وسبل الوقاية ....كلمة للي يساوي بين التحركات الإجتماعية والمجموعات الإرهابية برى تييييييت وسامحوني كان قلقتكم 

جديد هشام الجخ - أنا إخوان

عائلة متخلفة = مجتمع متخلف

نهار كامل نحكو على العنف و نجيبو محللين يفسرو اسبابه وأنواعه لكن ديمة ناسيين عنصر مهم برشة إلي هو العايلة التونسية . احنا كمجتمع بصفة عامة ، مجتمع نكذبو على رواحنا ونغطو في عيوبنا وحياتنا ما نصارحو رواحنا ....ناقصين حاجة مهمة إلي هي النقد الذاتي و الإعتراف بالخطأ... .العائلة التونسية تعيشك في كبت وقمع وثمة ألف موضوع طابو ما يلزمش تحكي فيه.. تعدي مراهقتك كاملة ما تنجمش تحكي في مواضيع هامة كيف المخدرات الجنس والدخان ...وقتها تتلز تحكي مع أندادك وهذا شيء خطير لأنه في الفترة هاكي من العمر يلزمك تحس إلي إنت قريب من العيلة وتنجم تسأل كل شيء مش تعيش في قمع ..المشكلة وقت المراهق يغلط الوالدين والكبار عموما 'في عوض ما يصلحوا غلطتهم ويعملوا نقدهم الذاتي ويستعرفو إلي هما السبب باغلاقهم جميع قنوات الحوار ' يهيجو و يميجو.. ويضربو المراهق ويصيحو عليه ويبداو عاملين فيها أبطال  وإلي هوما يضربو فيه على مصلحتو ......وقت إلي التخلف العائلي هذا يتنحى وقتها نجمو نحكو على مجتمع تونسي سليم لكن توا مجتمعنا مريض لجيلين اخرين على الأقل وسامحوني كان قلقتكم

هيئة الإنتخابات ، سن الترشح ، التطبيع مع الشرطة

السلام عليكم 
نبدو بالنفاق تع البجابيج إلي ساندو عرابهم في ترشحه وجاو ضد شرط السن للترشح للرئاسة لكن حد فيهم ما حل فيهم وقت إلي حرموا الشباب من الترشح لهيئة الإنتخابات... الشباب إلي يمثل نسبة كبيرة من الشعب التونسي ما عندو حتى قيمة لكن الباجي إلي عاش حياتو بالعرض والطول يدافعوا عليه .....إلي ستانس بالمناشدة ما ينجمش يتبدل في يومين.... 
هيئة الإنتخابات القديمة ترأسها إنسان نظيف ومعروف بنضالاته بإجماع الناس الكل واللجنة الجديدة هذي ثمة إحتمال يشدها بوليس سياسي صباب محترف بما أنه ما ثماش ما يمنعوا من الترشح والحكومة العميلة الجبانة رفضت الكشف عن أرشيف البوليس السياسي لاستغلالهم لصالحها هذا السبب الوحيد المقنع....نحكي على هذا خاطر خايف لا نطيحو فيه وخاطر زادة أسقط راطسة عرفتها تونس هي البوليس السياسي والمرتزقة....
أخر حاجة لا للتطبيع التام مع الشرطة فيهم الباهي وفيهم الخايب صحيح لكن كلهم يضربو على بعضهم بالبونية وقليل فيهم إلي إسترجل وحكي على إلي كان صاير (الفساد التعذيب....)وما نجمش نعطي ثقة في ناس في عوض ما يطلبو السماح من الشعب قالولنا إلي هوما كانو مظلومين هههه
أنستكم وترجي يا دولة  وسامحوني كان قلقتكم

تونس بلد جميل ولكن

 تونس بلد حضارة وتاريخ ..صحيح ...الطقس جميل شاعري في تونس ... صحيح ...السماء زرقاء في النهار ومرصعة بالنجوم ليلا ... صحيح...شعبها بشوش وطيب ... صحيح...نسائها درر ومناضلات... صحيح....لكن  ................  تونس زادة جابت أكبر منافق في التاريخ الحديت : راشد الغنوشي الخرشي إلي ولادو بعد مباركته هو شخصيا قسموا تونس على زوز فرق "كفار" و"مسلمين" ...ورجعوا الشعانبي حقل ألغام وتونس رجعت أرض جهاد يا بو قلب ...قول علينا احنا كفار وهما جايين يجاهدو بش يرجعون مسلمين ...وسي الخرشي قلك يلزم نتحاور معاهم... أنا بصراحة نفهمو ولأول مرة نحسو صادق ومتناسق في تصريحاته ... تحبو الوالد يشهد على ولادو ويقول عليهم ارهابيين؟؟ ما يجيش.. صدقت يا شيخ "إحتراما للسن مش أكثر" حركة النهضة حاليا وألإتجاه الإسلامي سابقا كانت ولا تزال معقلا للمتطرفين وملاذا للإرهابيين وسامحوني كان قلقتكم 

البطالة طولت

البطالة طولت و تطاولت علي والفدة والقلق إلي راكبيني من مخلفات البطالة المطولة و فرص بش نلقى خدمة عندها مدة تتقلص وتتضائل نتيجة أعمال العنف والإرهاب في البلاد ..خدمتي (مرشد سياحي) تحب عباد شايخة ومتكيفة( ما تفهمونيش بالغالط) وعاملة جو مش خوف ووجوه مكفهرة وعنف وألغام ولحي عفشة... تحياتي للبطالة ومسبباتها ونطلب منها تفك علي شوية وسامحوني كان قلقتكم

tounsi

je veux sentir encore la fierté d être tunisien et quand on était solidaires, des battant ,pas des soumis et des lâches svp souvenez vous des martyrs et des blessé ...et surtout des corrompus et criminels qui se sont innocentés tel l'ange 3jimi et ahmed fri3a ou affectés dans des postes clés au gouvernement comme chedly ayari hbib essid  sans oublier ridha mellouli et la liste est longue et elle sera bcp plus longue si ce silence continue.

تعويضات

نقعد حياتي كاملة و لا نفهم كيفاش يخممو النهضاويين.وقت اللي تحكي على شهداء و جرحى الثورة يقولولك تو المحكمة تاخذلهم حقهم اما هوما وقت الي يحبو حاجة ما يمشوش للمحكمة هوما عندهم لاكتاف يمشو مباشرة للمجلس و الحكومة ماهم زوز رزق الوالد .و ياخذو الي يحبو.عندي ملاحظة صغيرة الي جابو الإستقلال للبلاد ما طالبوش بتعويضات على خاطر ماحسو حتى لحظة الي هوما عاملين مزية على تونس هذا و هوما فلاقة و برشا منهم حتى اسمو ما يعرفش يكتبوا.بعد هذا حتى حد ما عطاك توكيل بش تناضل باسمو اللهم دول اخرى اذن نضالكم كان إختيار شخصي ويعطيكم الصحة اما تجيوش تو تطلبو تعويض على قراراتكم و كل حد يعرف شنوه يمكن يصيرلو مللي بدا.بصراحة زاده كثرتولها مل لهوة بالكبار و حقرة الصغار الفلوس اللي تحبو تعطوها تعويضات كان عملتو بها مشاريع تخدم البطالة إللي خرجوكم مل حبوسات و ردوكم من المنفى اصلحلكم .حاجة اخرى التعويض غالبا يكون للثوار مش للإنتهازيين اللي شدو الحكم و رجعو معاهم الخماج إللي طردوهم الثوار.الإنتهازي و الخائن للثورة كيف حزب النهضة و ممثليه وحكومته يستحقو الحبس و اكثر و سامحوني كان قلقتكم

بيان

                       

                                                                                        بيان              

انا ابراهيم الطرابلسي دليل سياحي صاحب بطاقة تعريف رقم 08633436 اطالب هذه الحكومة اللا ثورية هي وسابقاتها بتعويضي و ذلك للأسباب التالية:انا كنت متفائل بالثورة و مطالبي كانت بسيطة اما ثورية كنت نطالب بتطهير القطاع ياخي زاد تمسخ و كنت نطالب زاده بالعدالة الإ جتماعية و هو مطلب مشروع ياخي زادو قوو امالي المول علينا.خرجت مع الناس في المظاهرات و طالبنا بالقطع مع الماضي شي ما شفناهش طبق مع الحكومة.انا كنت راضي بالبطالة بشرط استكمال اهداف الثورة لكن الحكومة هذه واللي قبلها واصلوا اتباع سياسة المخلوع فعن اي ثورة يتحدثون انا نطالب بالتعويض من الحكومة الخائنة للثورة لخيانتها الامانة

 ابراهيم الطرابلسي 

     31 جويلية 2012     

الدعم مهوش للناس الكل يا حكومة

الحكومة هذي وإلي قبلها كل شهر يزيدوا في الأسوام أما حياتهم ما فكرو كيفاش ينجمو يوقفوا النزيف هذا يستنوا في سيادتي بش نقولهم الحل .الحل بسيط وما ثماش ما أسهل منو أما يحبلو شوية شجاعة وعباد تفكر بمخها مش بجيبها .إلي شادين الحكم تو ناس ليبرالية وما يحبوش يغششوا الأعراف وهذا شيء مقبول ومفهوم  من حزب يميني  أما بالنسبة للزوالي وقت إلي يحل فمو يلقى المتراك تركح فيه وتسكتوا .الحل بسيط وتطبيقو أسهل نحي الدعم على المؤسسات التجارية تو نرجع لباس الدعم تعمل للفقراء مش لنزول والمطاعم والسياحية ووكالات الأسفار أنا نطالب إلي الشركات هذي ما عادش تتمتع بالدعم ونمشي أبعد من هذا انو في حل تطبيق هذا نجم نرخصو الأسوام للشعب الإستهلاك المفرط إلي يقع في الشركات هذو للمواد المدعمة شي يفوق الخيال الاف السيارات رباعية الدفع والحافلات الصغيرة والكبيرة تستهلك في كميات هائلة من المحروقات النزل والمطاعم السياحية تستهلك في كميات ضخمة من المنتجات الغذائية المدعمة دون الحديث عن اساطيل السيارات التابعة للنزل والأسعار التفاضلية التي يتمتع بها النزل بالنسبة لفواتير الماء والطاقة .ايجو نحسبو هذا الكل تو نشوفو قيمة الخسائر إلي كان يمكن الزوالي يتمتع بها في ضل سياسة إقتصادية حكيمة نرجع ونقول الدعم تعمل للطبقة الفقيرة والمتوسطة مش للكرز والمشاريع التجارية وسامحوني كان قلقتكم

التطبيع :البيع والشراء في دم شهداء حمام الشط

كل ما تتجبد حكاية التطبيع يقولوا و كان فلسطين طبعت ؟؟؟ ولا غناية التطبيع في القلب مش لازم نحطوه في الدستور .. أنا مواطن تونسي مع تجريم التطبيع والتنصيص عليه في الدستور وعندي أسباب تدعم فكرتي .الصهيونية فكر هجين ومعادي وما نجموش نتعاملو معاه وما نجموش نعطوه الضهر .عداءنا للكيان الصهيوني ما يقتصرش على الإحتلال الصهيوني للأراضي الفلسطينية بل أكثر ما يلزمناش ننسو إلي الكيان الصهيوني تعدى على سيادتنا وضرب حمام الشط وفي الإعتداء هاكة استشهدوا برشة توانسة بالعربي مناش مستعدين بش نطبعو ونسيبو في حق ولادنا إلي استشهدو في حمام الشط ولا في فلسطين ولو بعد ألف عام ولو بعد إعتذار الكيان الصهيوني من أفعالو .اعتذاراتو فاقدة لكل مصداقية لأنهم عارفين إلي ماهوش بش يكون حتى رد يعني إستخفاف بنا أنا عارف الخوانجية إلي باعوا وشراو في دم شهداء الثورة ناسيين إلي ثمة دم ما بناتنا احنا والكيان الصهيوني وما عندهم حتى مانع في البيع والشراء في دم شهداء حمام الشط هاكي طبيعتهم ومستواهم وسامحوني كان قلقتكم كان ثمة واحد من صحابي الخوانجية ما عجبوش كلامي ما يجيش يحكي معايا يمشي يحكي مع أعرافو المرتزقة قبل وسامحوني كان قلقتكم

حكاية الحكام الكرب سامحوني العرب مع فلسطين

حكاية الحكام الكرب سامحوني العرب مع فلسطين طويلة و-90% منها ذل وطحين وتلحيس لعمهم سام .نبدو من عايلة المشعوذين والشاذين ال سعود باعوا فلسطين لل يهود وصححوا قول عليها ملك الوالد ولا بلاد ما غير أمالي وبعدهم تواطؤ عملاء الإستعمار إلي عاملين فيها الحكاية خاطيتهم .وبعد تجي محاولة عبد الناصر تحرير فلسطين حاول الراجل أما كان بوحدو ضد قوة عظمى تساند في الكيان الصهيوني ما عندنا ما نلومو عليه الراجل صحيح خ

سر الحروب الكل إلي خاضها أما على الأقل حاول جاء بعدو أنور السادات ثعلب وداهية تع تكتيك حربي هو الوحيد إلي ربح حرب ضد الكيان الصهيوني صحيح عمل عملة خايبة ياسر وقت إلي طبع مع الكيان الصهيوني وطبعوا بعدو برشة كلاب أما الفرق ما بينو هو والمطبعين الاخرين إلي هو طبع كمنتصر رابح في الحرب والاخرين طبعوا خوف من أمريكا وحفاظا على مصالحهم الجماعة هذو عندهم تع نسبة تع طحين كبيرة برشة فوق القيمة ..نرجعو للسادات شكون قتلوا ؟؟؟ الإسلاميين .ولواش ؟؟ على خاطرو طبع و ما كملش الحرب .باهي مدامكم رجال وناويين من سنين تحرروا القدس .شبيكم مطيحين السروال للكيان الصهيوني وتستنو في رضاه ورضا أميركا عن طريق قطر والكيان الصهيوني . وصلت بهم إلى الكذب وهنا نجمو نذكرو النائب الموقر صحبي عتيق. و شبيه إلى الأن ما فماش حتى رد فعل قوي خلف سحب السفير المصري من الكيان الصهيوني. اه برشة منكم بش يجاوبني شوية عليك هذا ؟؟؟ يا ضلمة إنت قتلتوا السادات على خاطروا طبع وتوا الإسلاميين في الحكم في مصر ومازالوا مطبعين ملا نفاق حاجة أخرى يا نهضة يا مؤتمر يا 

     تكتل الرقم 27 سيطاردكم يا خونة وسامحوني كان قلقتكم

                                        14/11/2012

ربي يهلك الحكام العرب الكل

باهي إلي ما يعجبوش كلامي ما غير ما يعلق ولا يستنى ندخل معه في نقاش كل ساعة وعلمها .برى ربي يهلك الحكام العرب الكل .يا رب نهار القمة العربية تبعثلهم كارثة يموتوا الكل ونرتاحوا منهم، يا رب رنا متبرين منهم، يا رب راهو مش الكيان الصهيوني إلي يضرب في غزة راهم العرب هما إلي يضربوا، يا رب رتحنا من وجوهم المقفرة .بربي F16 ياخي تمشي بالماء ؟؟؟ماهو بالبترول تع الخليجيين الشواذ، ما ينجمش يسترجلو ويقصو النفط ؟؟ ولا خايفين لا يقصو عليهم الشقراوات و الويسكي؟؟ برة تجعلكم تموتوا الكل محروقين ،وبالله نقصوا يا شواذ الخليج من الحديث على القدس وفلسطين، راهو كل ما نسمعكم تحكو هلحديث تجيني وجيعة في الرأس و رغبة كبيرة في الردان وتقصو عليا الشاهية،ربي يقصها عليكم، برى يا رب ترقدو وتقوموا تلقوا رواحكم مش ذكورة(إنت أصلا ماكمش رجال )، تلقوه مقصوص من لغاليغو ،وبعدها تمشوا للقمة وتتحرق البنية باللي فيها، وندفنوكم كالكلاب وحد ما يخرج في جنازتكم ،وكانكم على الحداد انسوا ،بالحرام لما نربخوها نعملوا عرس كبير وقبلوا لمة عالمية ونشيخو ،وكانكم على الدفينة تو نطيشوكم في واد من الوديان ولا في البحر ونوصو المرزوقي يطيش وراكم شوك وحنظل وسامحوني كان قلقتكم

                                    

                                               16/11/2012

دساترة "السبسي" والنهضة

خلي نرجعو بالتوالي حتى 23 أكتوبر:المواطنين الكل يكرهو السبسي ويستنو في اللحظة إلي بش يرتاحو من منظرو إلى الأبد و السبسي حاسس بروحو مكروه واللي معادش عندو حتى "مستقبل" سياسي وما عليه كان يكرم لحية بيدو تجي النهضة ترشحو لمنصب رئيس جمهورية الرجل رجعت فيه الحياة حس بروحو إلي هو ينجم ينقز على الفرصة ويستغلها  ياخي واحد من حلفاء النهضة وقفلها وقال أنا نحب الرئاسة ومستحيل كان تمشي لواحد دستوري تجمعي  تفاهمنا إلي مهمتو بش توفى 23 أكتوبر بالله صلحولي كاني غالط .إذن الغلطة غلطة دساترة "السبسي" والنهضة وهما إلي مسؤلين على عدم وضوح المشهد السياسي في البلاد وهما إلي دخلوها في حيط بصراعاتهم الثنائية باهي العباد إلي تدافع على هذو زوز ماهمش ثوريين وما يحسوش بلي يحس فيه الثوري وقت إلي يشوف إلي حكومة هذي ما عملت حتى إصلاحات وزيد على هاكا قاعدة ترجع في التجمعين وتحط فيهم في مناصب حساسة في دولة و نوابها في المجلس يخدمو بمفهوم القطيع وما ينجموش يحسوا إلي يحسوا الثوري ...وزيد على هذا الكل الفشل الكبير للحكومة النهضاوية وتوابعها خلى برشة ناس يحنو للعهد البائد و يفركسو على قشة يشدو فيها ولقاوها في مبادرة السبسي وما ننسوش إلي النهضة ساهمت في هذا بعد ما رجعت برشة تجمعيين وقالت إلي هما اكفاء وينفعوا البلاد .نحب نذكركم بحاجة إلي النهضة رفضت مشروع قانون الإقصاء إلي تقدم به المؤتمر في شهر أفريل 2012 إلي كان يضم جميع القيادات التجمعية دون اسثناء وبعدها عملت قانون أخر على قياسها وتعمدت عدم إقصاء جزء من القيادات التجمعية نظرا لأنهم دخلوا للحمام وقلبوا الفيستة ورجعوا نهضاويين ومع هذا المؤتمر قبل الصفقة المسخة هذي لضعف هذا الحزب وتبعيته لحركة الشوكو طوم .باهي بعد هذا كلو ننصح جماعة المؤتمر بش ينقصوا من السينما راهم عورولها وكما قالوا ناس قبل " يا بابا وقتاش نولو شرفاء ..........." وسامحوني كان قلقتكم 

سامحوني كان قلقتكم: أنا شكون ؟؟؟

سامحوني كان قلقتكم: أنا شكون ؟؟؟: شخصيتي بسيطة وماهيش مركبة ومعقدة كيف أغلبكم ومزدوجة كيف السواد الأعظم منكم "بالمناسبة إزدواج الشخصية مرض يمكن معالجته ...

أنا شكون ؟؟؟

شخصيتي بسيطة وماهيش مركبة ومعقدة كيف أغلبكم ومزدوجة كيف السواد الأعظم منكم "بالمناسبة إزدواج الشخصية مرض يمكن معالجته خير من إستعماله سياسيا"..... بصراحة ناقص زوز صفات تمتلكوها انتم وتغيب علي أنا بش ننجح في حياتي : النفاق والتلحيس
النفاق ما نجموش وهذا علاش رباني الوالد ربي يخليه
والتلحيس خليتهولكم كان لحست شوية راني مرسم في خدمتي مش بطال .ملاحظة هامة: التلحيس موهبة ما عنديش ونحمد ربي على هذا وبراس إلي يعز عليكم نقصو من تكسير البطاطا وسامحوني كان قلقتكم

سامحوني كان قلقتكم: وليدها بالحق

سامحوني كان قلقتكم: وليدها بالحق: شخصيتي التاريخية المفضلة هي اميلكار برقة بو حنبعل كان وليدها بالحق وما يعرفش السماح قبل المحاسبة من اسباب اعجابي باميلكار برقة إنو وقت مجلس ...

في العائلة سلفي

خالتي عندها مدة ما جاتش طلت علينا في جربة وهي تسكن في العاصمة جات عدت بحذانا يومين ...الحقيقة فرحنا الكل وزدنا فرحنا بخالي إلي جاء من هولندا يطل ... أنا قريب برشة من خالتي ونحبها برشة لكن أنا غالط معها على طول إلي ما نمشيش نطل عليها كل مرة نمشي لتونس . جات تشكيلي من ولدها إلي رجع سلفي علمي وما عادش يسمع كلامها ولا كلام بوه ما عادش يقبل النقاش وكل مرة يلمحلهم إلي إسلامهم مش صحيح ويقوللهم إلي ثمة توانسة مشاو يقراو عقيدة في السعودية عامين وراجعين يعلمو التوانسة الدين الإسلامي الصحيح ...كل ما خالتي تحب تحكي معه وتقولوا اقرا الشيخ الطاهر بن عاشور يقوللها هكا علماني وجماعة الزيتونة والأزهر إسلامهم غالط هذا اش علموه شيوخو ...ولد خالتي هذا عمرو 15 سنة وخالتي خايفة عليه والمستشيخين الوهابيين مكسحين قلبه على والديه ربي يهدي ولد خالتي وربي يهلك إلي كان السبب وسامحوني كان قلقتكم

HANNIBAL AU YEUX DE SES SOLDATS

"c'était, pensaient les vieux soldats,hamilcar jeune qui leur etait rendu; ils voyaient en lui même vigueur dans l'expression, meme énergie dans les yeux, même air, même trait. Puis hannibal fit en sorte que ce qu'il tenait de son père fut son moindre titre a leur faveur.Jamais un même caractère
ne fut plus apte aux comportements les plus opposés, l’obéissance et le commandement .Aussi aurait on eu du mal à decider si c'était au général
ou à l'armée qu'il était le plus cher: il n'était pas d'officier que hasdrubal (gendre de hannibal) préférât pour une action courageuse et énergique , pas de chef avec qui les soldats eussent plus confiance ou de hardiesse. Personne n' avait plus d'audace pour affronter les dangers , ni plus de sang froid au milieux des dangers eux mêmes.Aucune fatigue ne pouvait épuiser son corps ni vaincre son âme; il avait une endurance égale à la chaleur et au froid ;pour le manger et le boire , il se réglait sur ses besoins, non sur son plaisir ; pour veiller et dormir il ne faisait pas de différence entre le jour et la nuit ; le temps que lui laissaient ses taches ,il l'accordait au sommeil , et ce sommeil , il n' allait pas le chercher sur une couche molle ou dans le silence : beaucoup le virent souvent , couvert, d'un manteau de soldat, couché a terre au milieu des sentinelles et des postes de gardes Ses vetements ne le distinguaient en rien des jeunes gens de son age : c 'etaient ses armes et ses chevaux qui attiraient le regard. Des cavaliers commes des fantassins il était de loin le meilleur; le premier il allait au combat, du combat engagé il se retirait le dernier ." tite live

وليدها بالحق

شخصيتي التاريخية المفضلة هي اميلكار برقة بو حنبعل كان وليدها بالحق وما يعرفش السماح قبل المحاسبة من اسباب اعجابي باميلكار برقة إنو وقت مجلس الشيوخ قرر إنهاء الحرب البونية الأولى ضد روما رجع على مضض (والحقيقة  هو كان منتصر في جميع المعارك إلي خاضها لكن الهزيمة تسبب فيها الجنرال ماقون .) رجع وخاض معركة كبيرة مع المرتزقة (إلي يذكروني بنواب التأسيسي) وربحها وبعد مشى غزا شبه الجزيرة الايبيرية الغنية بأراضيها  (إسبانيا والبرتغال حاليا) ومات وهو يحارب وكان الجنود يقدروه ويحبوه  وأعطى للعالم إبنا أصبح أسطورة حنبعل الخالد القائل"سوف نجد حلا أو سنصنع واحدة"

من سيادة مفتي جمهورية نفسي العظيمة ابراهيم الطرابلسي إلى المستشيخين محمد حسان وبشير بن حسن : تفوووووووووه

هذا إلي ربحناه من الفكر الوهابي والسلفي إنعدام الحوار وعدم قبول الأخر ملا جهل يجب إجتثاث ها الفكر الغريب علينا وعلى بلدنا احنا بلد مسلم سني ملكي مرجعنا زيتونة العلماء مش فكر رجعي جابوه شيوخ يخلصو بالدولار خماجٍ فساد شيوخ فساد وتحليل كل ماهو حرام لاهل البلاط أنا ما نلومش الشباب إلي إعتنق المذهب هذا وإلي مخو نظيف أما نلوم الشيوخ إلي قاعدين يلعبوا بهم ويدعو فيهم للجهاد. الجهاد ؟ وين ؟ والدين بوك يا شيخ تونس رجعت أرض جهاد ؟؟ كفار توانسة ؟؟ وإنت مسلم ؟؟ إسلامك منين جبتو ؟؟ قداش تخلص في الشهر من عند أسيادك السعوديين ؟؟؟ منين جاتكم الفلوس ؟؟التمويلات؟؟؟ يا شيوخ العار يا شيوخ تخلص بالدولار برى جاهد في فلسطين كانك رجل ولا مازال ما عطوكش التعليمات ؟؟؟ نفدلك عليك ما تخافش السعودين صحاب هما والكيان الصهيوني بالك تحسبهم توانسة نبخرو بريحتهم الزوز ؟؟؟اه قبل ما ننسى في طريقكم بش تخذوا التعليمات سلم على بكم لحنين رشودة وقولولو ينقص من الترهدين والزندقة والنفاق . يجب إجتثاث هالفكر الرجعي من بلادنا لعزيزة كان نحبو نتقدمو ونتناقشو في قضايا هامة ومهمة مش على كمشة همال جهال اختارو مذهب عدم قبول الأخر و سامحوني كان قلقتكم واللي مش عاجبو كلامي ويحب يدافع عليهم نقلوا إلي وقت إلي يقتنعو بالحوار ماغير إستعمال شقوفات ومشارب تو نحكي معاهم .واللي يحب يكمل في المذهب هذا راهو غالط البلاد هذي اسمها تونس تاريخها كبير جابت محمد طاهر بن عاشور وولدو الفاضل وجعيط ومحمد النوري مناش السعودية تاريخها درجين ونص وعلمائها علماء بلاط بو دورو وسامحوني كaن قلقتكم سيادة مفتي جمهورية نفسي العظيمة ابراهيم الطرابلسي

من سيادة مفتي جمهورية نفسي العظيمة ابراهيم الطرابلسي إلى المستشيخين محمد حسان وبشير بن حسن : تفوووووووووه

هذا إلي ربحناه من الفكر الوهابي والسلفي إنعدام الحوار وعدم قبول الأخر ملا جهل يجب إجتثاث ها الفكر الغريب علينا وعلى بلدنا احنا بلد مسلم سني ملكي مرجعنا زيتونة العلماء مش فكر رجعي جابوه شيوخ يخلصو بالدولار خماجٍ فساد شيوخ فساد وتحليل كل ماهو حرام لاهل البلاط أنا ما نلومش الشباب إلي إعتنق المذهب هذا وإلي مخو نظيف أما نلوم الشيوخ إلي قاعدين يلعبوا بهم ويدعو فيهم للجهاد. الجهاد ؟ وين ؟ والدين بوك يا شيخ تونس رجعت أرض جهاد ؟؟ كفار توانسة ؟؟ وإنت مسلم ؟؟ إسلامك منين جبتو ؟؟ قداش تخلص في الشهر من عند أسيادك السعوديين ؟؟؟ منين جاتكم الفلوس ؟؟التمويلات؟؟؟ يا شيوخ العار يا شيوخ تخلص بالدولار برى جاهد في فلسطين كانك رجل ولا مازال ما عطوكش التعليمات ؟؟؟ نفدلك عليك ما تخافش السعودين صحاب هما والكيان الصهيوني بالك تحسبهم توانسة نبخرو بريحتهم الزوز ؟؟؟اه قبل ما ننسى في طريقكم بش تخذوا التعليمات سلم على بكم لحنين رشودة وقولولو ينقص من الترهدين والزندقة والنفاق . يجب إجتثاث هالفكر الرجعي من بلادنا لعزيزة كان نحبو نتقدمو ونتناقشو في قضايا هامة ومهمة مش على كمشة همال جهال اختارو مذهب عدم قبول الأخر و سامحوني كان قلقتكم واللي مش عاجبو كلامي ويحب يدافع عليهم نقلوا إلي وقت إلي يقتنعو بالحوار ماغير إستعمال شقوفات ومشارب تو نحكي معاهم .واللي يحب يكمل في المذهب هذا راهو غالط البلاد هذي اسمها تونس تاريخها كبير جابت محمد طاهر بن عاشور وولدو الفاضل وجعيط ومحمد النوري مناش السعودية تاريخها درجين ونص وعلمائها علماء بلاط بو دورو وسامحوني كaن قلقتكم سيادة مفتي جمهورية نفسي العظيمة ابراهيم الطرابلسي

من سيادة مفتي جمهورية نفسي العظيمة ابراهيم الطرابلسي إلى المستشيخين محمد حسان وبشير بن حسن : تفوووووووووه

هذا إلي ربحناه من الفكر الوهابي والسلفي إنعدام الحوار وعدم قبول الأخر ملا جهل يجب إجتثاث ها الفكر الغريب علينا وعلى بلدنا احنا بلد مسلم سني ملكي مرجعنا زيتونة العلماء مش فكر رجعي جابوه شيوخ يخلصو بالدولار خماجٍ فساد شيوخ فساد وتحليل كل ماهو حرام لاهل البلاط أنا ما نلومش الشباب إلي إعتنق المذهب هذا وإلي مخو نظيف أما نلوم الشيوخ إلي قاعدين يلعبوا بهم ويدعو فيهم للجهاد. الجهاد ؟ وين ؟ والدين بوك يا شيخ تونس رجعت أرض جهاد ؟؟ كفار توانسة ؟؟ وإنت مسلم ؟؟ إسلامك منين جبتو ؟؟ قداش تخلص في الشهر من عند أسيادك السعوديين ؟؟؟ منين جاتكم الفلوس ؟؟التمويلات؟؟؟ يا شيوخ العار يا شيوخ تخلص بالدولار برى جاهد في فلسطين كانك رجل ولا مازال ما عطوكش التعليمات ؟؟؟ نفدلك عليك ما تخافش السعودين صحاب هما والكيان الصهيوني بالك تحسبهم توانسة نبخرو بريحتهم الزوز ؟؟؟اه قبل ما ننسى في طريقكم بش تخذوا التعليمات سلم على بكم لحنين رشودة وقولولو ينقص من الترهدين والزندقة والنفاق . يجب إجتثاث هالفكر الرجعي من بلادنا لعزيزة كان نحبو نتقدمو ونتناقشو في قضايا هامة ومهمة مش على كمشة همال جهال اختارو مذهب عدم قبول الأخر و سامحوني كان قلقتكم واللي مش عاجبو كلامي ويحب يدافع عليهم نقلوا إلي وقت إلي يقتنعو بالحوار ماغير إستعمال شقوفات ومشارب تو نحكي معاهم .واللي يحب يكمل في المذهب هذا راهو غالط البلاد هذي اسمها تونس تاريخها كبير جابت محمد طاهر بن عاشور وولدو الفاضل وجعيط ومحمد النوري مناش السعودية تاريخها درجين ونص وعلمائها علماء بلاط بو دورو وسامحوني كaن قلقتكم سيادة مفتي جمهورية نفسي العظيمة ابراهيم الطرابلسي