فى كل عام للورد آوان___ألا النسوان
بقدرتك نابتين ألوان___ابيض واحمر
وانت اللى تعلم ونا أجهل___فيه ايه اجمل؟
من دى الخدود اللى لا تدبل___ولا تتغير
ودى العيون الى اشهد لك___بيها واسجد لك
دى خلت الطاغى انقاد لك___والمتكبر
والشفتين اللى فالقهم____كنت خالقهم
للأبتسام ولا رازقهم_____دانت تحير
العبد يعشق بالقوة____عشق لجوه
كمان جهنم؟ايه هوه___محناش معشر
بذمتى انت اللى جاذبنى__يا معذبنى
وياللى ذوقك يعجبنى____لما تصور
لك صنعه فى العين والحاجب__بيها تتعاجب
وتقول وجود الله واجب____مين بيه يكفر
ولك قوالب فى الاجسام__غلب الرسام
ويقلدك بحجر ورخام___يلقاك أشطر
يا ست يام زناق محبوك__وقميص مفكوك
حطى ع القلب المشبوك__ايدك يعمر
ويا ام نص ملايه حرير__والنص يطير
ع الكتاف انا عقلى صغير__غطى المرمر
وياللى ساقك يسوى رقاب__حارت للباب
فى لون حقيقته ان كان بشراب__ولا مقشر
وياللى خصرك له حركات___تقفل شركات
ويضج منها داوود بركات___لما تحرر
فوقه الحزام متشعبط فيه__النبى شديه
لتحت همسه يا روحى خليه__يبقى محرر
وياللى خايفه الفرق يميل_قامطه المنديل
طيب وصدرك بالهلاهيل__ليه متحشر
وياللى لابسالى جوانتى__اربعه سانتى
فى ايه خفيتى وبينتى___للى ما يظهر
وياللى بالدراعات تمشى__ولا تسألشى
متشمرالى ومقدرشى___علمتشمر
ويا ام شمسية يا عايقة__على فين سايقه
يا مرشقة الوردة اللايقة__عالمتشجر
هواكى بالياسمين هافف__وحلق رافف
يصافح العقد اللافف___على دى المنحر
يا مسلمين لله يا حريم__انا مالى غريم
غيركم اروح وياه فى جحيم__يوم المحشر
الدنيا والنسوان وخلاص__والراجل لاص
لا طبله ينفع ولا بلاص___لو يتكسر
عليه قفا عايز الخيه___وخلقه رديه
وجتته المشعرانيه___حاجه تقشعر
ولا الشنب والدقن يا هوه__مهما حلقوه
باين وعايز لعن ابوه____برضك أخضر
بقدرتك نابتين ألوان___ابيض واحمر
وانت اللى تعلم ونا أجهل___فيه ايه اجمل؟
من دى الخدود اللى لا تدبل___ولا تتغير
ودى العيون الى اشهد لك___بيها واسجد لك
دى خلت الطاغى انقاد لك___والمتكبر
والشفتين اللى فالقهم____كنت خالقهم
للأبتسام ولا رازقهم_____دانت تحير
العبد يعشق بالقوة____عشق لجوه
كمان جهنم؟ايه هوه___محناش معشر
بذمتى انت اللى جاذبنى__يا معذبنى
وياللى ذوقك يعجبنى____لما تصور
لك صنعه فى العين والحاجب__بيها تتعاجب
وتقول وجود الله واجب____مين بيه يكفر
ولك قوالب فى الاجسام__غلب الرسام
ويقلدك بحجر ورخام___يلقاك أشطر
يا ست يام زناق محبوك__وقميص مفكوك
حطى ع القلب المشبوك__ايدك يعمر
ويا ام نص ملايه حرير__والنص يطير
ع الكتاف انا عقلى صغير__غطى المرمر
وياللى ساقك يسوى رقاب__حارت للباب
فى لون حقيقته ان كان بشراب__ولا مقشر
وياللى خصرك له حركات___تقفل شركات
ويضج منها داوود بركات___لما تحرر
فوقه الحزام متشعبط فيه__النبى شديه
لتحت همسه يا روحى خليه__يبقى محرر
وياللى خايفه الفرق يميل_قامطه المنديل
طيب وصدرك بالهلاهيل__ليه متحشر
وياللى لابسالى جوانتى__اربعه سانتى
فى ايه خفيتى وبينتى___للى ما يظهر
وياللى بالدراعات تمشى__ولا تسألشى
متشمرالى ومقدرشى___علمتشمر
ويا ام شمسية يا عايقة__على فين سايقه
يا مرشقة الوردة اللايقة__عالمتشجر
هواكى بالياسمين هافف__وحلق رافف
يصافح العقد اللافف___على دى المنحر
يا مسلمين لله يا حريم__انا مالى غريم
غيركم اروح وياه فى جحيم__يوم المحشر
الدنيا والنسوان وخلاص__والراجل لاص
لا طبله ينفع ولا بلاص___لو يتكسر
عليه قفا عايز الخيه___وخلقه رديه
وجتته المشعرانيه___حاجه تقشعر
ولا الشنب والدقن يا هوه__مهما حلقوه
باين وعايز لعن ابوه____برضك أخضر
ليست هناك تعليقات:
إرسال تعليق