100 ألف تلميذ بطلو

الحكومة هذي ما يهمهاش في مشاكل الناس ولا في مشاكل الدولة وما تحبش تفركس حلول الحاجة الواحدة إلي هي بهية فيها هي التكبيش في كراسيهم بش نعطيكم مثال معبر العام إلي فات ثمة إحصائيات تقول إلي 100 ألف تلميذ بطلو رقم كيف هذا يستوجب خدمة كبيرة في وزارة تعليم ووزير تعليم سالم الأبيض مستقيل عندو شهر وما تمش تعويضه إلى حد الأن وتعويضه حسب ما نعرف مسؤلية الحكومة صحيح برشة ناس بش تقول أزمة وكلام ما عندو معنى الحكومة رافضه بش تخلي بلاصتها. إذاً لازم عليها تخدم وتفكر في الدولة والمواطنين مش فالحين كان يقولوا إلي فوزي خو لينا بن مهني مهدد (إسمه غالط ) ..هذا ما يعنيش إلي الأحزاب الأخرى الكل متحملة  مسؤولياتها أناشخصيا ما قريت حتى دراسة قام بها حزب أخر على الظاهرة هذي وكيفاش يمكن معالجتها ....الحديث الكل على الكراسي والمنصب مش على 
المشاكل الحقيقية للمواطن وسامحوني كان قلقتكم يا أولاد شحيبر