خبرة في شنوة عيش بابا???

أكثر الناس وقت إلي تحكي معاهم يبدو يحكوا على ضرورة أن الشباب يكون عنده دوره وينتهي تهميشه وإلي الشباب هو ضمان الثورة



لكن وقت إلي تحكيلو على إعطاء مسؤليات للشباب تظهر حقيقته ويكثروا التبريرات من نوع الشباب متهور وغير قادر على تحمل المسؤلية ويلزموا يتعلم من الكبار (إلي أكثرهم بالنسبة لي فشلو و هما سبب النكبات إلي صارت ) لكن أكثر حاجة تضحكني هي وقتلي يقولك إلي الشباب ناقص خبرة



خبرة في شنوة عيش بابا



* خبرة في الطحين



* خبرة في التصفيق والتبندير



* خبرة في الفشل



* خبرة في البهامة وكسوحية الرأس



* خبرة في السرقة



* خبرة في الهرب من الواقع



* خبرة في الحبس



* خبرة في السرية



ولا خبرة في التلحيس ووو



هذي الخبرة المتوفر في السواد الأعظم في كهولنا وشيوخنا إلي هما سبب نمط إجتماعي فاشل وإنعدام الحوار في العائلة والمؤسسات التربوية



أخيرا أنا صحيح ندافع على الشباب لكن نقر إلي عندنا عيوب لكن على الأقل نمتاز عن الأجيال الأخرى اننا نقر بأخطائنا ونسعى إلى إصلاحها



ووقت نحكي هكا هذا ما يعنيش إلي أنا طالب سلطة ولا كرسي كما يظن بعضكم أنا واحد من الناس مازال بعض الأيام في تونس وبعد نمشي على روحي لبلاد أخرى لكن نتمنى نتفادو الفشل مرة أخرى و سبب الفشل هو جيل يفكر كان في الكرسي والسلطة وبعيد عن الواقع التونسي وأبعد أكثر من الشباب إلي عمل الثورة وسطر اهدافها وسامحوني كان قلقتكم