حكومة فاشية وجب اسقاطها

بعد الوثيقة إلي تسربت ما عاد ثمة حتى مجلة للشك إنه الحكومة هذي حكومة فاشية وجب اسقاطها وأكثر من ذلك حل احزاب الترويكا إلي مشاركين في الجريمة بالصمت أو بالفعل حاجة ما تهمنيش ومحاكمة جميع الوزراء وكبار المسؤولين كلهم يتحشاو في قلبوا ما غير إستثناء ما تحكليش على صقور وحمائم احكيلي على الدم إلي هما كانوا السبب فيه إلي ما حماوش الرجل وهما عندهم معلومات أما هو يبقى سيد الرجال وهما علوج إلي مازال بش يحكي على الحوار مع عصابة الدم أنا بش نعتبرو مشارك في الجريمة و إلي يدافع عليهم نعتبرو بوق من أبواق الفاشية وإلي يسخف عليهم يسخف بعيد علينا يا مدام كلثوم كنوفيكمش قاضي يستدعي المجرمين هذو للتحقيق يا سي أحمد فيكمش شكون يعملها يقاضيهم أو جماعتكم فالحين كان في الصحفيين كما الشرطة الكلاب فالحين كان في إيقاف كلاي وولد ال 15 وسامحوني كان قلقتكم

أخر حاجة راهي تحكم فيك حكومة فاشية ما تزيدش تستنى عليها وانسى لغة السياسيين المتخاذلين الجبناء والمساومين من أجل الكراسي ومع حكومة دموية ومجرمة ما ثماش سلمية وما تستنى شي من المعارضة الفاشلة إلي كلها حواريين