بورقيبة والإسلاميين

ماغير تقديم بش ندخل في الموضوع ... يشدني كريز ضحك كل ما واحد يقول إلي بورقيبة قهر الخوانجية صدقوني مانجمش نشد روحي ونبدى نلعن في والدين البهامة إلي خلاتو يعتقد هذا وعادة قبل ما نمشي ونخليه نعملوا تلقيح بش يتذكر شكون عمل الخوانجية .الخوانجية في تونس يا ناس منتوج 90% دستوري بورقيبي من صنع الصياح لضرب اليسار في الجامعة قبل هذا كانوا 10 من ناس كل مرة يجتمعوا في بلاصة اعطاهم الصياح صانع بورقيبة الإذن للنشاط في الجامعات بش يكسروا اليسار في السبعينات اليسار هذا كان يقلق برشة في بورقيبة ومتطور عليه في اطروحاته بورقيبة كان إنسان حداثي صحيح لكن يرفض أي تطور يجي من غيره... الإخونجية إلي عملهم بورقيبة ساندوه في كل أزماته ضد الإتحاد وضد اليسار (اعطوني بيان خوانجي واحد يندد بقمع وتعذيب وسجن اليساريين في السبعينات) ومكافأة لوفائهم بورقيبة حللهم أبواب المطبعة الرسمية لكن بعد وقت إلي كبروا وإتسعت قاعدتهم الشعبية بورقيبة خاف على روحو وحبسهم مش خوف على الدولة كما يحب يروج بعض الدساترة لكن خوف على كرسيه
ثمة أطروحة يروج فيها بعض العقول الخفيفةأنو بورقيبة وقت إلي جاء عمل مصالحة شعبية هذي حاجة ليكس وإلي قالها يتكيف في حاجة ليكس على خاطر بورقيبة أول ما شد نصب المحاكم الشعبية والإعدام بوه كلب
وبعد جاء بن علي إلي عينوا بورقيبة لقمع الإحتجاجات وحت يدو في يد الإسلاميين وعمل معاهم الميثاق الوطني والباقي كلكم تعرفوه
تفصيل صغير قبلما نكمل السبسي عمل حملة إنتخابية ليكس للنهضة وغرق اليساريين وكان قابل يشد رئيس مع النهضة  
نعرف إلي كلامي مهوش بش يعجب برشة ناس وبرشة اخرين بش يخونوني وهذي حاجة مستانس بها ننصحهم يعملوا نقدهم الذاتي قبل ما يدخلوا في صراعات معايا ويضيعوا وقهم الثمين وسامحوني كان قلقتكم

#لا_دساترة_لا_خوانجية